Friday, May 6, 2011

Die huwelik van woord & beeld. 9. Tom Hintnaus

Tom Hintnaus




Calvin Klein
Johann de Lange

vir Hannes

Volmaak & tydloos
die blok blou lug
– mediterreens blou –
die bolyf & bene
bruin teen die wit
van ’n suil die kort-
geknipte donker hare
die skoon nek agter-
oor gekantel
die sagte onderbroek
stralend wit
die vingerpunte
ligweg op bobene
van warm marmer
opgerig hoog bo
die ronkende verkeer
van Times Square –

om die waarheid te sê:
nog méér volmaak as dít
is die fyn litteken
regs onderkant sy naeltjie
in die kwesbare nerf

: reeds dáár
begin hy stadig sterf

Uit: Johann de Lange. 1991. Nagsweet. Human & Rousseau: Kaapstad.