Monday, July 27, 2015

Petra Müller 80


Petra Müller (1935 - )  © NB

‘n Skrywer is sy woorde, & daarom wil ek vandag, op Petra se tagtigste, volstaan met ‘n vers wat tegelyk beskrywing is van ‘n skildery deur Eraine Nankin sowel as verslag van ‘n dag-in-die-lewe-van die digter.


vir eraine, wat sing terwyl sy skilder

noudat dit winter word, verdonker jou palet:
jou berg groei bonkig uit én swarter bron
en moet sy blou veeg van die bo-lug leen,
en die ploegland, purper soos én wond
waar storms dit getref het, kan skaars
die lading lig dra
van die junieson
jy beweer: die sonskyn van die somer kan nooit so
genadig wees soos wintersonskyn nie; verf set
nou so stadig, daar is altyd tyd genoeg
om én te diep bewoë skakering van donker nog
te bewerk vir die ervaring van die lig: geel
op dooigras van die werf,
selfs, waagsaam,
oor water
én flonker
maar dít wat jy eintlik wou skilder: die musiek
van die wilde onsigbare strome (suiwer mozart
in én yl seisoen) dit moet vermoed word,
dit laat jy aan die ryker toeval oor,
dit moet stroom van kwas tot kyker
soos die klanke van jou eie noemnaam, onverwagse
kleine dagmusiek, wat van een taal in die ander
moduleer van vrede tot by reën

*

Bibliografie


Digbundels
Obool, Tafelberg, Kaapstad, 1977
Patria, Tafelberg, Kaapstad, 1979
Liedere van land en see, Tafelberg, Kaapstad, 1984
My plek se naam is Waterval, Tafelberg, Kaapstad, 1987
Swerfgesange vir Susan en ander, Tafelberg, Kaapstad, 1997
Die aandag van jou oë: gedigte vir die liefde, Tafelberg, Kaapstad, 2002
Night crossing, Tafelberg, Kaapstad, 2006
Om die gedagte van geel, Tafelberg, Kaapstad, 2012

Kortverhaalbundels
Werf in die rûens, Tafelberg, Kaapstad, 1980
Voëls van die hemel, Tafelberg, Kaapstad, 1982
Die dwerg van die Infanta en ander verhale, Tafelberg, Kaapstad, 1993
In die omtes van die hart, Tafelberg, Kaapstad, 1995
Desembers (saamgestel deur Rachelle Greeff), Tafelberg, Kaapstad, 2007

Romans
Verlore vallei, Dagbreek-Boekkring, Johannesburg, 1962
Die windskerm, Human & Rousseau, Kaapstad, 1963

Drama
Tant Madeleine se somer, Makro, Pretoria, 1974

Kinderboeke
Die kind van konings, John Malherbe, Kaapstad, 1968
Klein Wiek se groot pampoen, Tafelberg, Kaapstad, 1980
Reënboog vir Hannatjie, Tafelberg, Kaapstad, 1990

Romans gepubliseer as Magriet Smalberger
Die elande van Kruisberg, Dagbreek-Boekkring, Johannesburg, 1963
Hy wat die goud bring, Human & Rousseau, Kaapstad, 1966
Die koue vuur, Human & Rousseau, Kaapstad, 1970
Die Magriet Smalberger-omnibus, Human & Rousseau, Kaapstad, 1982

Bekronings
1974: Sanlam-prys vir Afrikaanse Drama vir Tant Madeleine se somer
1980: Eugène Marais-prys vir Patria
2005: Herzog-prys vir Afrikaanse Poësie vir Die aandag van jou oë
2013: ATKV-Woordveertjie vir Poësie vir Om die gedagte van geel
2013: Sala se Poësieprys vir Om die gedagte van geel



© Johann de Lange