Veldtog
Ciarán Carson
Hulle het hom ure lank ondervra. Presies wié hy was? En toe
Hy hulle sê, het hulle hom wéér ondervra. Toe hulle aanvaar
het hy is wie hy sê,
Iemand wat onbetrokke is, het hulle sy vingernaels
uitgetrek. Hom toe
Na ’n afvalhoop iewers naby die Perdehoef Draai gevat, en
hom vertel
Wát hy was. Hulle het hom nege keer geskiet.
’n Swart naelstring van rook het opgestyg van ’n hoop
buitebande wat brand.
Die slegte reuk wat hy geruik het was sy eie. Gebreekte glas
en toegeknoopte kondome.
Die kneukels van ’n gesig in ’n nylonkous. Ek het hom
dikwels in die Gladstone kroeg gesien,
Waar hy bier geskink het vir besoekers, sy byna perfekte
vingers gevlok met skuim.
[Vertaal
deur Johann de Lange]